Ümumi Cərrahiyyə, nədir?

Bədəndə sistemik və yerli fəsadların cərrahi üsullarla müalicəsi ilə yanaşı, həmçinin  yaralanma və yara sağalması, yaralanmaya metabolik , endokrin cavabı kimi məsələləri  də əhatə edən bir şöbədir.

Bu gün “Ümumi Cərrahiyyə” deyilincə: tiroid cərrahiyyəsi, məmə cərrahiyyəsi, yemək borusu, mədə, incə və qalın bağırsaqlar, perianal xəstəliklər (hemorroid …), qaraciyər, pankreas, öd kisəsi və öd yolları, yırtıq cərrahiyyəsi anlaşılmaqdadır

Deməli, Ümumi Cərrahiyyə

• Hepato-pankreato-biliyar Sistem və ya Qaraciyər-pankreas-öd kisəsi və Yolları Cərrahiyyəsi,
• Gastrointestinal cərrahiyyə və ya Həzm Sistemi Cərrahiyyəsi (yemək borusu, mədə, incə və qalın bağırsaqlar və makat bölgəsi xəstəlikləri)
• Endokrin və doş cərrahiyyəsi-(Qalxanabənzər vəzi (tiroid) , Paratiroid,Böyrəküstü vəzi xəstəliklərinin  müayinə və müalicəsi ilə məşgul olan  ümumi bir tətbiqdir.

Minimal İnvaziv Cərrahiyyə Nədir?

Qarının ön divarında açılan  kiçik (0.5-1sm) kəsiklərdən yerləşdirilən kamera və əl alətləri ilə aparılan cərrahiyyədir. Video kamera və nazik laparoskopik alətlər öncədən yerləşdirilmiş portlardan qarın boşluğuna yeridilir. Kamera qarın daxili orqanların görüntüsünü televizor monitoruna ötürür. Cərrah bu orqanları açıq cərrahi əməliyyatda olduğu kimi böyük cərrahi kəsikdən birbaşa deyil, monitorda görür. Video kamera cərrahın gözlərini əvəz edir və cərrah alınan görüntünün və digər alətlərin  köməyi ilə əməliyyatı yerinə yetirir.

Minimal invaziv cərrahi əməliyyatın üstünlükləri əməliyyatdan sonra ağrıların az olması, sürətli bərpaolma vaxtı, xəstəxanada qalma müddətinin qısalması, tam aktivliyə daha erkən dönmə və daha kiçik ölçülü çapıq toxumasının olmasıdır. Əməliyyatdan sonra qarındaxili bitişmələrin də olması azalır.